"PROHIBIDO NON TOCAR, PROHIBIDO NON COPIAR"

A fin de semana do 21 e 22 de setembro de 2019 doce alumnos/as de ESO do Colexio plurilingüe San José – Josefinas de Ourense participaron na Open Science de Cambre. O lema deste certame é “prohibido non tocar, prohibido non copiar” porque a ciencia entra polas mans e porque se copiamos o que outros descubriron e o melloramos, a ciencia avanza. Foi unha experiencia de convivencia entre alumnos, profesores, organización e familias acolledoras, xa que os alumnos aloxáronse en casas de veciños de Cambre, que os recibiron cos brazos abertos e mostraron a hospitalidade de todo un concello implicado con esta experiencia.

Os novos investigadores das Josefinas de Ourense desenvolveron os seus proxectos de investigación durante o curso 2018/19, defenderon con grande mestría o seus traballos e gozaron desta marabillosa fin de semana que tardarán en esquecer.

Como colofón, Alba, Noa, Miguel e Mara recibiron Mención de Honra polo seu traballo sobre os efectos Halo e Horn e a idade á que xorden os prexuízos. Parabén a todos/as pola experiencia vivida e por todo a que aprenderon.