Educación Secundaria

A Educación Secundaria Obrigatoria (ESO) ten como finalidade:

• Que os alumnos adquiran os elementos básicos da cultura.
• Desenvolver neles hábitos de estudo e traballo que favorezan a aprendizaxe autónoma.
• Facelos partícipes do éxito colectivo, nun ambiente de tolerancia, cooperación e solidariedade entre as persoas e grupos.
• Formalos para que asuman responsablemente os seus deberes e obrigas.
• Fortalecer as súas capacidades afectivas en todos os ámbitos da personalidade.

Polo tanto, tratamos de:

• Avaliar a acción do profesorado e do alumnado (ensino-aprendizaxe).
• Desenvolver traballos colaboradores desde as distintas áreas, globalizadores e integradores.
• Levar a cabo unha pedagoxía construtivista que modele persoas creadoras e críticas.
• Dedicar especial atención aos alumnos que máis necesidades teñan sen esquecer ao conxunto.
• Seleccionar, por parte do Equipo Docente ou dos diferentes Seminarios, contidos que teñan aplicación inmediata na vida real a maiores dos curriculares.
• Crear un clima axeitado para conseguir un grao de convivencia que posibilite a consecución dun alto nivel de solidariedade, respecto e tolerancia.
• Favorecer as relacións entre todos os membros da Comunidade Educativa.
• Asumir con espírito de superación e sacrificio as adversidades.